مرحبا حبيباتي
حبايب قلبي الغالين انا النهارده جايبلكم طريقة عمل سمك المكاريل المشوي اللي ممكن يكون كتير منكم بيعمله ينفس الطريقة بس برضوو قلت أنزله لحبايب قلبي
واليوم جهزتلكم طريقة السمك المشوي
المقادير
جزرة مبشورة , ملح , فلفل إسود , كمون , عصير لمونة , فصين توم مفرومين
بعد ما بنضف السمك انا بشيل راسه كمان علشان ما يعملش ريحة في الشوي
بخلط كل المقادير اللي فاتت ديه مع بعضها واحشي بها السمك
واسيبه لمدة ساعة يشرب من التتبيلة
وبعدين اجيب صاج الفرن وامسحه بالزيت وبعدين احط رده على السمك وافرده في الصاج وادخله الفرن
تقريبا نص ساعة بيكون استوى او ساعة الا ربع وبعدين افتح عليه
الشوايه لحد ما يتشوي تماما واطلعه من الفرن
واكون مجهزة اهم حاجة وهي الدقةبتاعته
وهي عبارة عن
معلقة خل عليها نص لمونة عليها معلقة ملح وفصين توم مهروسين ومعلقة كمون وكوباية مياه وافضيهم كلهم على السمك اول ما يطلع من الفرن
واسيبه في الدقة لمدة عشر دقايق
*حطي السمك وجمليه بكزبره خضرا
وماقلكوش الطعم يجنن
جربوا وادعولي بفك الكرب
إقرإي أيضا مواضيع أخرى عن طبخ و مأكولات شهية
Put the internet to work for you.
0 commentaires:
إرسال تعليق